我:  親愛的, 黎緊嘅假期你有冇想去邊度旅行呢?

ty:   我想去..妳個肚度旅行囉

我:  下??咩話?

ty:   妳個肚呀

我:   哦..咁.....點樣可以去到呢?

ty:   妳吞左我落肚囉

我:  

回到男內科

見到狹迫的環境、patient 訓到出走廊、d男人衛生清況惡劣、無限收症、case 又ill、充滿陷阱的工作、人事複雜

一個字 --- 灰!

放工真的 feel 到 lower limb weakness, 二十個累!

已知有個比我junior的要resign, 一個快完contract的正另覓出路

連這裡的senior都同我講,你趁後生有得走好走喇, 呢度唔係好地方

其實一早都知呢度好爛, 冇諗過一年後可以衰成咁

另外我發覺自己對男病人係冇乜愛心嘅, d婆婆可以tum下鍚下丫麻

如果經理俾我調去女內科就好喇

呢個病房人人都粒住舊烏雲響頭頂返工, 佢地應該去Cebu游個水, 帶個泳衣印和微笑回來, 呢度一定會充滿陽光

Rotation快完結, 骨科同事在酒樓擺了兩圍幫我 farewell

很不捨得她們呢

今晚打包了食物, 她們委派我與ty拿回B5給Night的Fanny和長靜吃,

半年前我們也是這樣在 B5 party後前後腳走, 再會合送night food給淑賢吃, 那時的偷偷摸摸很刺激呢

走著同一條路, 想起這件事, 我們都甜蜜地笑起來 

一個人在菲律賓的宿霧潛水

一定很正

到長州踩單車去

踩了一個環島遊，穿過瑪頭、踩過人群、踩過長堤、張保仔洞、沙灘

中途食左ty話以前食過好好味的日式紅豆餅

之後夜晚見到太多想食ge野, 一時抉擇唔到, 決定樣樣都食d!

食左大排檔皮蛋碎牛粥、老字號潮式彈牙魚旦、街邊炸雞脾、蒜蓉蟶子、咖哩炒蟹、豉椒炒蜆、香蕉朱古力熱班戟、鮮芒果呍呢拿雪糕凍班戟、西米奶茶

我地真係KO得晒

係真架!

回航時坐在船尾, 個海好靚, 突然好想放一個有浪有魚有大量陽光的假!

前日響屋企執野執番本書出黎

由頭再番一次,激起左一D埋響心入面嘅小火種

唔可以俾佢熄滅架!

我知我都係偏向衝動型, 前幾日去逖寵物店見到一隻勁得意ge貓貓阿me,同佢玩左半個鐘愛不釋手, 立刻想買下回家, 好在 ty在旁"多番"分析利弊,先至冷靜下來

但係小火種已經兩年喇, 我相信衝動係唔會衝動兩年嘅

年尾contract便會完, 係時侯攪攪佢 

Happy 6th eleventh!!

竟然要在A&E渡過, 好在有ty陪伴我

食左d藥攪到冇晒胃口吃不下ty買的飯

佢仲要冇訓過去返工, 真不好意思呢

好耐冇去outdoor activity喇

今日風和日麗, 我地去左粉嶺簍水響的士多啤梨園進行一連串ge採摘活動

卒之到左郊外, 好耐冇見過咁多綠色ge野喇, 好興奮!

提着籃見到紅卜卜的士多啤啤便摘下, 呢度唔洗入場費, 摘幾多秤幾多

不過我見到咁新鮮的啤啤真的忍唔住----偷食! 我怕ty話我之際, 轉身就見到佢---- 也在偷食!! 哈哈哈

就這樣, 我們吃遍了幾個山頭, 當然, 也秤了很多回家

原來偷吃的那些比較甜!

晚上去了大埔小白鷺自助BBQ場

好浪漫的地方, 音樂又好聽, 仲可以DIY用錫紙包牛油金姑、茄子燒幾得意

美滿地結束了一天完美的郊遊

今天醒來突然好想去一個refreshing的地方

在床裡碌來碌去想了片刻----起身便往Discovery Bay去

一個人搭船很舒服

坐在cafe看雜誌喝smoothies很舒服

與很多狗狗一起跑步很舒服

在沙灘上打韆鞦很舒服

在小店吃Turkish kebab很舒服

因為工作關係, 我們在12號便去了吃 Haagen-Daze 朱古力火煱提早慶祝情人節, 已經夠開心了, 回家途中ty突然遞上我喜歡了很久的手錶, 很驚喜呀!

13號我AN, 快將到night food time 的時候, ty卻突然手拿一束玟瑰和night food出現在病房!我和美珠都嚇了一跳, 我差點哭了出來呢, ty卻只會傻笑, 這些不是電視情節嗎?怎麽會發生在我身上?那一夜, 我們四人一起温馨的吃着燭光night food、傻傻的笑

14號 ty call,我做了愛心飯盒送去給他吃, 是第一次煮東西給ty呢, 他做了一個誇張的"伙頭智多星"式反應: 好好味呀!!!  哈,我才不會傻到信十足呢! 自知廚藝未精, 好在有心意分撘救!

本以為大家一個AN一個call冇得慶祝, 誰知一連三日都有感人的驚喜

其實能夠見一面已經快樂無比

走音走左幾日, 捱埋昨日的A更

終於失左聲, 發唔到任何音

去商場的information centre問路, 我用紙筆寫俾個staff

佢又寫番答案俾我, 我用手勢表示我能聽, 那刻才發現自已突然過著聾啞人士的生活, disabled的感覺原來是這樣的, 很不方便, 跟世界隔了一層東西似的, 晚上跟傻B吃了一頓沒有說話的飯,只做手勢點頭擰頭, 傻B也陪我說話, 哈哈隔離枱也覺得我地很怪

今天都仲係咁, 所以sick leave 了

連報sickleave都係阿媽幫我同sister講

今日只靠sms同傻B contact, 越講唔到就越想講野

我想講電話我想唱K呀

會唔會以後都講唔到野架

咁咪要學手語lor?做唔到nurse?

不過傻B許下一個好感人的承諾呀, 以前我不太相信諾言, 但今次我信, 因為我都希望佢做到自已鐘意嘅ENT

Happy eleventh ar!

今朝起床收到你的情信, 便知道自己仍在夢中

永遠都不會醒

111111111111111111111111111111111111111111111111111111111

海洋公園Halloween好好玩呀

竟然玩得晒所有鬼屋, 當中試過甩左隻鞋唔敢番去執

天恩又唔知我甩鞋係咁拉我走,佢話d人走晒喇, 點知前面吊住幾條用膠袋笠住的屍體(要用手撥開先行到架!)

我唔敢向前呀, stuck左果度好耐係咁嗌我番去喇我唔行我唔行我番去喇, 勁驚呀果幕, 響隻鬼鬼度執番隻鞋, hehe

記唔記得, 響巴士度你堅持幫我揸住我食完格仔餅嗰個有花生醬有油有糖仲滴緊煉奶既紙袋呢, 其實呢件事, 我感動左好耐

揀左韓燒

結果意外收穫是吃到冬陰功湯仲有金玉滿堂!

好lucky

同一晚買左布鞋架, 將十幾對鞋由地下撘到上天花板

好爽

以後可以繼續開心買鞋唔開心買鞋

所有香港人都去過at least 一次迪士尼

只有我一直没有去過

成日都俾人笑

剛才最喜歡的人說趁住開左學冇小朋友大家咁啱一齊放weekdayoff天氣又好唔曬唔落雨仲有disneyhalloween開放左十一黄金週又未黎明天帶我去呀

而我只有一個criteria, 就是一直打算遇到最喜歡的人才一起去

條件脗合

好野~

天恩買的南丁格爾燈(可是她們硬要說是寶蓮燈>< , 照亮了骨科病房

病房內有綺娥, 我, 姐姐和天恩在食中秋大餐

變態的我們一共order 了三間外賣,

有pizza啦, 刺身啦, 軟毂蟹啦, 雞"徐"啦, 湯圓啦, 月餅啦, 水果啦

彷彿這一夜大家回來是為了團圓呢

笑笑說說, 收了兩個症也不減我們的温馨 

雖然在工作中渡過我最喜愛的中秋節,但很快樂很快樂

因為我們在一起

(竟然沒有收預期中的 burn case,葵青區的小朋友真乖! ) 

一齊食媽媽飯, 後來

半夜三更..我地玩左一個好刺激嘅遊戲

就係去seven 買雪糕食勒!

好驚呀好驚呀

因為我地著住 U呀!